នគរបាលចាប់ខ្លួនបុរសម្នាក់ជេរប្រមាថសមត្ថកិច្ចខណៈដែលចុះបង្ក្រាបល្បែងស៊ីសងខុសច្បាប់
08-May-2018 | ដោយ ពលមនសិការ
កណ្ដាល ៖ នគរបាលស្រុកស្អាងធ្វើការចាប់ខ្លួនបុរសម្នាក់បន្ទាប់ពីបុរសសង្ស័យខាងលើជេរប្រមាថទៅលើមន្ត្រីសាធារណៈ ខណៈដែលមន្ត្រីមានសមត្ថកិច្ចកំពុងចុះបំពេញការបង្ក្រាបលកបែងស៊ីសងខុសច្បាប់ ។ ករណីចាប់ខ្លួនខាងលើនេះ ធ្វើឡើងនៅវេលាម៉ោង១៣និង២៥នាទី ថ្ងៃទី៦ ខែឧសភា ឆ្នាំ២០១៨ ស្ថិតក្នុងភូមិតាគល់ ឃុំក្រាំងយ៉ូវស្រុកស្អាង ខេត្តកណ្តាល ។
មន្ត្រីនគរបាលស្រុកស្អាងបានឲ្យដឹងថា ជនសង្ស័យជេរប្រមាថសមត្ថកិច្ចដែលចាប់ខ្លួនបានមានឈ្មោះ ហៀងភានិត ភេទប្រុស អាយុ២៨ឆ្នាំ ជនជាតិខ្មែរ មុខរបរកសិករ មានទីលំនៅភូមិតាគល់ ឃុំក្រាំងយ៉ូវ ស្រុកស្អាង ខេត្តកណ្តាល។ ក្នុងការចាប់ខ្លួននេះដែរ សមត្ថកិច្ចធ្វើការដកហូតវត្ថុតាងទូរស័ព្ទដៃម៉ាក Iphone 6 ពណ៌ខ្មៅចំនួន១គ្រឿង ។ប្រភពដដែលបន្តថា នៅថ្ងៃទី៦ ខែឧសភា ឆ្នាំ២០១៨ វេលាម៉ោង ១៣និង២៥នាទី សមត្ថកិច្ចនគរបាលស្រុកស្អាងហសការជាមួយនគរបាលប៉ុស្តិ៍រដ្ឋបាលក្រាំងយ៉ូវ ចុះប្រតិបត្តិការបង្ក្រាបមុខសញ្ញាលេងល្បែងស៊ីសងខុសច្បាប់(អាប៉ោង)នៅចំណុចកើតហេតុខាងលើ ខណៈនោះស្រាប់តែមានឈ្មោះ ហៀង ភានិត (ជនសង្ស័យ) បានមកដល់ រួចនិយាយប្រមាថមកលើសមត្ថកិច្ចនគរបាលថា "មកបង្ក្រាបមិនស្លៀកពាក់ឯកសណ្ឋាន មានច្បាប់មកពីណា" ភ្លាមនោះសមត្ថកិច្ចក៏បានប្រាប់ថា "បើស្លៀកពាក់ឯកសណ្ឋាន ចាប់មិនបានទេ" ប្អូនទៅផ្ទះវិញទៅ ។ ពេលជាមួយគ្នានោះជនសង្ស័យឈ្មោះ ហៀង ភានិត មិនព្រមស្ដាប់សមត្ថកិច្ចទេ ថែមទាំងយកទូរស័ព្ទដៃម៉ាក iPhone របស់ខ្លួនមកថតសមត្ថកិច្ច ។ ភ្លាមនោះសមត្ថកិច្ចនគរបាលបានឃាត់មិនអោយថត ដោយសារខ្លួន (ជនសង្ស័យ)មិនមែនជាអ្នកសារព័ត៌មាន ខណៈនោះឈ្មោះ ហៀង ភានិត ក៏បានជេរប្រមាថសមត្ថកិច្ចទៀតដោយពោលពាក្យអសុរោះ ជាច្រើន រំពេចនោះសមត្ថកិច្ចនគរបាល ក៏បានឃាត់ខ្លួនឈ្មោះ ហៀង ភានិត បញ្ជូនមកអធិការដ្ឋាននគរបាលស្រុកស្អាង ដើម្បីកសាងសំណុំរឿងតាមនីតិវិធី ៕
ចំនួនអ្នកទស្សនា
- ថ្ងៃនេះ8941
- ម្សិលមិញ9421
- សប្តាហ៍នេះ64601
- ខែនេះ179751
- ឆ្នាំនេះ179751
- សរុប20622207